برنامج للتنشيف العضلى ( نظام غذائى + برنامج تدريب) ~ كمال اجسام فيتنس

قبل الدخول فى هذا البرنامج سأقول لك على عدة اشياء يجب عليك الألتزام بها لينجح البرنامج وتحقق افضل النتائج .

1- الألتزام بالأكل الصحى والأبتعاد عن السكريات والدهون الغير صحيه

2- الأنتظام فى مواعيد التمارين والأيام ، الحفاظ على النوم ليلا ومش اقل من 8 ساعات يوميا

3- الصبر وعدم الأستعجال لتحصل على النتيجه المطلوبه

النظام الغذائى :

الوجبه الأولى : 3 حبات بياض بيض بدون صفار و 2 بيض كامل + 100 جرام من الشوفان بالعسل واللبن خالى الدسم + موزه
الوجبه الثانيه : 200 جرام من صدور الفراخ المشوى + 100 جرام ارز بسمتى بدون زيت وملح ممكن استعمال زيت الزيتون + طبق سلطه
الوجبه الثالثه ( قبل التمرين ) : 2 بطاطا مسلوق او مشوى او ممكن سطله فواكه + كوب قهوه بدون سكر
الوجبه الرابعه ( بعد التمرين ) : علبة تونه مصفاه من الزيت + القليل من الأرز + طبق سلطه
الوجبه الخامسه : 100 جرام من صدور الفراخ + خضار سوتيه ( بروكلى وكوسه وفاصوليا )
الوجبه السادسه : 150 جرام جبن قريش + كوب لبن خالى الدسم + ثمرة فاكهه .

المشروبات التى عليك الأهتمام بها : الماء مهم جدا وشرب الشاى الأخضر وعصير البرتقال.
والمطلوب الأبتعاد عنه اثناء التنشيف : الملح والسكر والسمن والزيت ومشروبات الصودا والأكلات الجاهزه وجميع المواد الحافظه .

و يفضل استعمال مكمل غذائى ( ليبو 6 ) لحرق الدهون بطريقه اسرع وبروتين زيرو فات مثل ( نيترو تك او iso 100 ) مع جلوتامين للحفاظ على الكتله العضليه اثناء البرنامج وممكن استعمال مالتى فيتامين و اوميجا 3 .

البربنامج التدريبى :

اليوم الأول : صدر + تراى سبس + بطن
اليوم الثانى : ظهر + باى سبس
اليوم الثالث : كتف + بطن
اليوم الرابع راحه
اليوم الخامس : باى وتراى
اليوم السادس : رجل + بطن

التمرين بأوزان عاليه عادى جدا بلاش اوزان خفيفه وتكرارات كتير الكلام ده غلط ممكن تستخدم طرق ( سوبر سيت و دروب سيت ) افضل بكتير .

وبالنسبه للكارديو 3 مرات فى الأسبوع ممكن تلعبه فى الصباح وممكن بعد التمرين ومدة من 15 لــ 20 دقيقه ( نط الحبل او الجرى او المشى السريع ) .

يارب يكون البرنامج عجبك وتقدر تمشى عليه ومتعقدش كل حاجه وتقول انا مش هقدر امشى على الجدول علشان الشغل او الدراسه والكلام المحبط ده كل اللى عليك انك تحاول بس ومش هتخسر حاجه
لو عندك اى استفسار عن البرنامج ضع تعليق وبأذن الله هيتم الرد عليك .

ولمن يبحث عن برنامج للضخامة العضلية من هنا برنامج للضخامة العضلية للمبتدئين ( جدول تدريبي )